Næstu tónleikar

Vespers (All-Night Vigil) - Sergei Rachmaninoff

2. nóvember, 2025 | 16:00 | Harpa Norðurljós

Vespers Rachmaninoffs er almennt álitið eitt mesta meistaraverk kórtónbókmenntanna. Kyrja flytur verkið með lágmarkshópi 20 söngvara, án hljómsveitarstjóra, með áherslu á þjóðsagnatúlkun, helgisiði og yfirgripsmikla nálgun sem hefur sjaldan eða aldrei sést nokkurs staðar í heiminum. Verkið verður notað sem meginstoð minningarrítúals á tónleikaformi 2. nóvember, á allrasálnamessu, til minningar um fórnarlömb stríðs, sérstaklega í Úkraínu og á Gaza.

Í samstarfi við Sígilda sunnudaga 2025-2026.

Jólin með Kyrju

20. desember 2025 | 20:00 | Staðsetning auglýst síðar

Kyrja heldur jólatónleika í fyrsta skipti og flytur gömul og ný jólalög sem koma öllum í jólaskap.

Miðaldasöngvar og fjölradda tónlist frá Íslandi og meginlandi Evrópu

Apríl 2026 | Harpa Norðurljós

Kyrja mun blása nýju lífi í miðaldasöngva og fjölradda tónlist frá Íslandi og meginlandi Evrópu í Norðurljósasal Hörpu. Tónleikarnir verða hluti af Reykjavík Early Music Festival.

Flutt verður m.a. Missa Ave Maris Stella eftir Josquin des Prez, eitt af meistaraverkum fransk-flæmskrar fjölraddatónlistar miðalda, ásamt íslenskum helgisöngvum og tvísöng, þar á meðal O Jesu dulcissime, Lánið drottins lítum mæta og Lát mig vel læra að deyja.

Fyrri tónleikar

Sænsk-íslensk karlakóraveisla: Svanholm Singers & Kyrja

17. maí, 2025 | 16:00 | Aðventkirkjan í Reykjavík

Það gleður okkur að bjóða hinn þekkta sænska karlakór, Svanholm Singers, velkominn til liðs við okkur á tónleikum í Aðventkirkjunni þann 17. maí! Saman flytjum við efnisskrá tileinkaða Norðurlöndunum, frá sígildum verkum Edvards Griegs og Ola Gjeilo til glænýrra tónsmíða frá Grænlandi og víðar, með sérstaka áherslu á minnstu samfélög á jaðri hins byggilega heims. Margt sameinar þjóðir Íslands og Svíþjóðar en einkum ást okkar á söng. Því leiðum við hesta þessara nágranna saman og fögnum sameiginlegri söngmenningu.

Svanholm Singers, undir stjórn Sofiu Söderberg, er leiðandi afl í sænskri kórtónlist og hefur unnið til fjölmargra verðlauna. Karlakórinn hefur einnig unnið með fjölda listamanna og flutt tónlist sína vítt og breitt um heiminn.

Reimagining

26. október, 2024 | 20:00 | Fríkirkjan í Reykjavík

Kyrja leggur áherslu á að sýna hið kunnuglega og klassíska í nýju ljósi. Gamansöm lög verða myrk, elektrópopp verður að gregorískum sálmi og landslag breytist í tónlist. Verk þekktra tónlistarmanna eru enduruppgötvuð og aðlöguð að eldri sönghefðum. Á efnisskránni er m.a. tónlist eftir Björk, Sigur Rós, Jón Ásgeirsson, Bubba Morthens, Í svörtum fötum, Jórunni Viðar og Depeche Mode.

Tónleikarnir eru í samstarfi við Óperudaga í Reykjavík 2024.